كلها تصيح وا معتصماه والمعتصم ما رد – عبد القادر الزيناتي

فلسطينيو العراق1

عدد القراء 4860

فلسطينيو العراق / خاص

http://www.paliraq.com/images/gaza0002.jpg

كم معتصم بيه انتخوا

وجاوبهم بس الصدى

وكم معتصم غيرك لكوا

تاريخ اعله طول المدى

من غزة صرختهم هجوا

حروف الموت كالوها برجا

ضاع الصوت يا معتصم

وعافوهم الموت الهم مرتجى

-----------------------------
 
هم شفت ميت راجع ينتقم

لو موته قواتهم جمعوا وحشدوا

بس الحكي والنوح تسمع

ويا معتصم من صارت صدق شردوا

يا معتصم فضها قوم وانهض

بغيرك انت ابد ما قدروا وشدوا

يال صاحت بنخوة الك

من غزة وين يرحون لو طلعوا

تعال وشوف شكتشفوا

تنديد وشجب بالمؤتمر خطوا وكتبوا

تعال وقوم من قبرك

طالت نومتك وعرب لليوم ما عرفوا

تعال وكلهم الغيرة

وي الحليب من صدر امهم رضعوا

تعال ولا تنسى تجي بسيف

تكص ركاب ال تخاذلوا وانبطحوا

صور كدامك الموت

اعلى الشاشات بالموت ظهروا

ما بيهم زلم مثلك

بس كروشهم من اللغف نفخوا

ولا صبح مسؤل يسال

شكولن لو يمي باجر ووصلوا

حسبالة سراه بعيد

من ايده ويقتلوه لوهاجوا وهدوا

شخبار اقولك معتصم

اعله قبرك اوقف وخبّر

اكلك اشكال الرسم

والوان الزمن تسحر

مو دم ده يسيل ويعم

جن من محبره يحبّر

ولاموت لاطفال ويهم

ولا مره تصيح وتصبّر

يا معتصم باسمك يصرخون

صغار وكبار وال بعصاه متعثر

هم مثلك معتصم يظهر

جاهز دومه وحزامه متخنجر

وسيفه عل العدا مرفوع

وفوق الفرس رقاب يقطع ويشعر

من بغداد من فاس لو من عدن يطلع

مثل الاسد من يهجم ويصرخ ويزئر

وامعتصماه المن اكول اليوم

وانت لا جية الك لو مشي وتتمختر

الكلمات الوصفية

اترك تعليقك

التعليقات 1

  • ابو حذيفة الصرفندي

    0

    حياك الله عمو ابو سرمد على هذا الكلمات الطيبة ولكن صدقني لااحد يسمع هذه الكلمات نحن نريد رجل يتكلم ويفعل لا يلغي مثل هؤلاء الحثالات رؤساء الدول العربية الذين هم السبب الئيسي لتشريد وتهجير وقتل شعبنا الفلسطيني في اي مكان كانوا

شارك برأيك

الاسم
الدولة
التعليق




A- A A+